(1 дауыс, орташа есеппен: 1.00 / 5)
Загрузка ...Бұл мақала 575 рет оқылды, 1 рет бүгін
Оқымыстылар осы ғасырды «діни-руханият соғысы ғасыры болады» деп болжап отыр. Болжағаны құрысын, бұл үнсіз соғыстың басталып кеткеніне де бірнеше жылдың жүзі болып қойды.
Бейресми дерек бойынша, соңғы 18 жылда 500 мың қазақ (олардың бәрі де кодталып, дуаланған) осындай секталарға өтіп кеткен.
1. Уахабизм
Уахабизм – ХVIII ғасырда пайда болған ағым, Сауд Арабиясының ресми мәзхабы. Ол бойынша ер адам міндетті түрде сақал қоюы тиіс және намаз оқымаған адам мұсылман емес. Сондай-ақ әулиелердің басына, қабірлерге зиярат етіп баруға болмайды. Пайғамбардың туған күні – Мәулітті тойлауға қарсы. Қожа Ахмет Йассауи сияқты зәулім кесенелерге құрмет көрсетілуді күпіршілік деп санайды. Мәзхабтарды мойындамайды. Жұма күні жеті шелпек тарату, келіннің бетін ашу сияқты әдет-ғұрыптарға, салт-дәстүрлерге де қарсы. Өздерінше өмір сүрмеген адамдарға қатал көзқараспен қарайды және қажет болса, күштеп көндіруге тырысады. Осы орайда тарихта талай рет қан төгілуіне себепші болған. Осы ғасыр басындағы шешен елінде болған қантөгістердің басты қоздырушысы ретінде аталынады. Тар ұғымға байланған нағыз фанаттар. Әсіресе, Қазақстанның оңтүстік өлкелерінде көбірек шоғырланған.
2. Исмаилиттер
Бұл діни-саяси ағымның ең басты қолдаушысы – Англия. Кезінде Имам Ғазали сияқты ірі ғалымдарды өлтірген, ислам әлеміне талай рет қасірет тартқызған, шиіттік бағытты ұстанатын қауіпті ұйым. Шыңғыс ханның тұқымы Құлағу ханның қуғындауына ұшырап, біразы Орта Азияға өтіп кеткен. Үндістан, Иран, Ауғанстанда көптеген жақтастары бар бұл ұйымды қазір мұрагерлік жолмен тағайындалатын ханзада Ага Хандар мектебі басқарады. Исмаиліктер намазды күніне бес рет емес, үш рет қана оқиды: таңертең, түсте және кешке. Жұма намазына бармайды және құтба оқымайды. Меккеге қажылыққа бармайды, оның орнына Кербаладағы Хазірет Хусейн мен Хазірет Әлидің қабірлеріне зиярат етеді. Орталық Азиядағы түркі тілдес республикаларда басқару органдары, білім беру ұйымдары, баспасөз органдары, қорлары жұмыс істейді. Өте мықты қаржылық күштері бар. Ага Хан қоры өз қызметін экономикалық даму, әлеуметтік даму, мәдени бағыт бойынша жүргізеді. Тәжікстан, Қырғызстан мен Қазақстан және Исмаилиттер имаматы арасындағы Орталық Азия университетін құру жөніндегі шартқа сәйкес, Исмаилиттер қауымдастығының Ага Хан қоры Қазақстанның Текелі қаласында салынып жатқан Орталық Азия университетіне 250 миллион доллар ақша бөлген.
3. Ахмадие
ХIХ ғасырдың аяғында Үндістанда отаршыл ағылшын үкіметінің қолдауымен пайда болған діни-саяси ағым. Өздерін Пайғамбарымыздың екінші аты Ахметпен байланыстырып, ақиқи исламды қалпына келтірушілерміз деп санайды. Бүкіл мұсылман елдері, ішінде Қазақстан мұсылмандары Діни басқармасы да бар, бұл қауымды «кәпір» деп жариялап, пәтуә берген. Сөйтіп, Бүкіләлемдік Ислам лигасының шешімімен Меккеге қажылыққа кіруіне тыйым салды. Пәкстан үкіметі ахмадиліктерді «мұсылман емес» деп елден қуып шыққан. Бұл ұйым өзі пана тапқан Англиядан материалдық және рухани қолдау көріп, исламға қарсы түрлі іс-шаралар жүргізеді. Қазақстанда пәкстандық пірәдарлардың ықпалымен 1994 жылы арнайы тіркелген бұл ұйымның тұңғыш жетекшісі белгiлi жазушыларымыздың бiрi. Қауымдастықтың толық атауы – «Қазақстан Республикасының Ұлттық Ахмадиелік мұсылман жамағаты». 2008 жылдың 1 қаңтарындағы есеп бойынша, Қазақстанда 4 Ахмадиелік жамағат бірлестігі (Алматы мен Шымкент қаласы, Алматы облысы мен Шығыс Қазақстан облысы) қызмет етеді. Ахмадие қозғалысы Англия, Германия, Голландия, Испания, Австралия сияқты мемлекеттерде 12 мыңнан аса мешіт тұрғызған.
4. Бахаизм
«Бахаи» қауымдастығы ХIХ ғасырда Ирак пен Иранда пайда болған, шииттік мәзхабты ұстанады. Батыс пен Шығыстың діни дәстүрлерін синтездеуден туған космополиттік ағым. Өзін «ең соңғы дін» деп жариялаған. Мұхаммед пайғамбарды «соңғы пайғамбар» деп, ислам дінін «ақырғы дін» деп санамайды. Құран да олар үшін ең соңғы қасиетті кітап емес. Бахаизм бойынша қасиетті имамдарға қарсы келуге болмайды, ол – үлкен күнә. Ұлттық құндылықтарды, Отан дегенді мойындамайды. Оның орнына әлемдік дін, әлемдік тіл, әлемдік мәдениет секілді құндылықтарды насихаттайды. Намаз оқиды, ораза ұстайды, зекет береді, қажыға барады, бірақ олардың орындалуы өзгеше. Намаз күніне үш рет, үш түрлі болып оқылады. Арасында Бахауллаһ әулиенің кітабынан сөйлемдер оқиды. Қажет болса, үш түрлі намаздың біреуін ғана оқыса да жетеді. Құбыласы – Бахауллаһ әулиенің Аккадағы мазары. Ораза 19 күн ұсталынады. Қазір масондардың әдісімен ұйымдасқан бұл ағымның 270 елде ұйымы, үш мыңға жуық орталығы бар. Қазақстанда да үлкен қалаларда жақтастары аз емес. 2008 жылдың 1 қаңтарындағы
есеп бойынша, елімізде «Бахай» ағымындағы 3 культтік ғибадатхана, 19 діни бірлестік тіркеліпті.
5. Хизбуттахрир
Исламға зиянды экстремистік діни-саяси ағым. 1953 жылы Палестинаны Израильден азат ету ұйымы ретінде ізгі мақсатта құрылғанмен, кейіннен әлем мұсылмандарын бір Халифатқа, яғни біртұтас мемлекетке біріктіру сияқты бос қиял, жөнсіз арманға толы идеясын тықпалап, онысы дау-дамайға айналып, зиянды қозғалыс ретінде бағаланды. Кітап, газет, брошюра шығарып, мақалалар дайындап, үгіт-насихат жұмыстарын жүргізеді.
Хизбуттахрир Қазақстанға тәуелсіздік алған соң жайыла бастады. Кезінде Алматы мен Шымкент, Тараз, Түркістан, әсіресе, Кентау қаласында түрлі әрекеттерімен көзге түсті. Өз жұмысын саяси және идеологиялық бағытта жүргізеді делінгенмен, Өзбекстан, Қырғызстан, Түрiкменстанда экстремистік іс-шаралар нәтижесінде көптеген адамдардың өліміне себепші болды. Олардың арттарында кейіннен уахабшылар тұрғандығы анықталды. Бұл діншіл партияның белсенділері, әсіресе, Өзбекстанда қатты қуғындалды. Қазақстанда да бас бостандықтарынан айырылғандары бар.
Бұдан басқа да елімізде түрлі ағымдар бар. Мәселен, «Алля-Аят» (фархадшылар) пен «Ата жолының» жұмысына тыйым салынды. Сондай-ақ ақын Әуезхан Қодар бастаған зиялылар тобы «қазақ халқы ислам діні арқылы түп-тамырын жоғалтып алды, сондықтан көк аспан мен аруаққа сыйынатын Көк Тәңірі дініне қайта оралуымыз керек» деп жүргенін, сондай-ақ зікірші сопыларға да қарсы ҚМДБ пәтуа шығарғанын айта кетелік.
Түйін:
Мектепте тарихтан бәріміз католик француздар гугенот француздарды бауыздап тастаған қасиетті Варфоломей түнін оқыдық. Ливандағы 1970-1980 жылдары болған азамат соғысында діндері бөлек ағайынды арабтар бірін-бірі қырғанын да жақсы білеміз. Кешегі Босниядағы қанды қасірет те осы діни алауыздықтан туындағаны белгілі. Осынау дінбұзарлыққа алпауыт елдер жылына 12 миллиард доллар бөледі екен. Мұсылмандарды айтпағанда, еліміздегі христиандардың өзін 40 шақты конфессияға бөліп тастады. Мақсат – Қазақстандағы халықтың діни сенімін бұзып, өзара қырқыстырып, ақырында құл қылу. Түбінде Қазақстан халқы да жоғарыдағыдай діни алауыздықтан өзара қырқысып, атысып-шабыспаса жарады…
Төреғали ТӘШЕНОВ
“Айқын” газеті.
Загрузка ...
Жакында Гаитидегi жер сiлкiнiсiн пайдаланып американдык миссионерлер оз жуыстарын натижелi аткарды. Гаитидегi жапа шеккен ата-аналар балаларын дiн жорыгына шыккан жалмауыздарга тегiн берiп жiберiп жатыр.Кайтсiн ендi.
Мұны пси-лаңкестік (терроризм) деп бір сөзбен атауға болады. Енді онымен ықпалды күресу жолдарын ойластыру қажет.
Көзің ашық көкірегің ояу болсын. Сектаға кіргендердің бәрі ақшаның құлы болғандар,болмаса кешегі аласапыранда жоқшылыққа ілініп, сектанттардан ақша алып күнін түзеп алғанмен,солардың құрсауынан шыға алмай жүргендер.ӘЙ,бірақ жүректе ИМАН болмаған соң бәрі бекер.
Елде нақты ұстаным жоқ болғандықтан ішке діни ағым да, алып сатар алаяқта еркін кіріп шығып жүр. Ащы да болса шындықты айтқан жөн. Қәзір шындық айтқанның ағайындарын түгелдей қудалауға салатын жынға тап болған соң жын шайтанды көрсе де үндемей отыра береді. Себебі бір келеңсіз ағымның адамы жүр десең, өзіңді тергеп қашып кеткендерді ұстай алмаса көрсеткіш ретінде сол ағымның өкілі ретінде өзіңді соттай салатын әпенділіктен де қорқады. Елдің ішінде елдік сенім кетіп бара жатыр. Қазақстанда діни алауыздық бола қоймас. Адасып айдауда жүрген санада алауыздық қайдан болсын. Көзі ашық, көкірегі ояу азаматтарды ұлттық ұстанымы жоқ мәңгүрттік мазалап жүрген жоқ па. Биссимиллаңды осыдан бастаған жөн.
Заңды да кішкене қаталдау қылса қайтер еді. Кейде сыйлағанды емес,қорыққанды сыйлайтынымыз рас қой.
Ираннан коркасын Ташен Ия
Неге Зикиршилерди, Яссауишыларды, Исматуллашыларды жазбайсын Ташен Солардын уршыгы боп журсингой???? Шиитерди Орта Азиядагы саяси идеологиясы Исматуллашылар жургизбей ме?? Сен олардан коркасын???
Діншілдік адамзаттың жаратылысында бар құбылыс . Ол түрленіп тұрады . Баяғыда бір коммунисттен қай діндесің деп сұрағанда өзін коммунист екенін айтты . Мәселе құдайшыл немесе атеист болу емес . Әркім өзіне бағыт – бағдар табу үшін бір өлшем іздейді . Ал дін дегенің сол өлшем болып тұрады . Басы бірікпеген халық сергелдең болып жоғын кезкелген көк аттыдан сұрауға тура келеді. Сондағы тапқаны біреудің жолы болып шығады да оның кәдесіне аспайды . Енді не істеу керек десеңіз , бүгінгі қазақ діннен құр алақан қалды деп , иман атаулының бәрін бөтендерден тілеп жүрмей осы елдегі діни мұраларды игеру абзал дер едім . Қала берді басқа жұртқа барып шарйғат үйреніп келгендер мардиып өз қандастарына ( қаншама тобыр болса да )мұрырын шүйіріп жүрмей тіпті дөрекі сөздерді де көтере білулері керек . Демек өз негізін біліп сақтанғысы келген сақтарды алла тағала барша зымиян ағымдардан сақтары сөзсіз .
Адасушы Исматуллашыларды мынадай пікірлеріне қарап айыруға болады. Әрі олар осындай теріс көзқарастары арқылы Исламнан мүлде шығып кетеді. Оқып шығыңыз да төрелігін өзіңіз беріңіз.
1) Исматуллашылардың пікірінше Аллаһтың кейбір “әулиелері” ғайыпты біледі-мыс. Мәселен, Исматулла Мақсұм Шілханада жатқан мүридтердің не істеп жүргенін, ілімінің дәрежесін алыстан көріп-біліп отырады-мыс. Ал, бұл пікір Құрандағы мын аятқа қайшы: «Көктер мен жердегі көместі Алладан басқа ешкім білмейді». (27:65).
«Ғайыптың кілттері Оның (Алланың) жанында. Оны Ол өзі ғана біледі». (6:59).
2) Олар Діни басқарма мүшелерін, мешіттегі дін қызметкерлерін жек көреді. Газеттерінде олар жайлы жағымсыз мақалалар жазады. Мысалы “Уаххабизм қаупі немесе, ҚМДБ-ның былығы” деген мақалалар тәрізді т.б.
3) Мешіттерге бармайды. Себебі, ол жердегілер “тек террористерді ғана дайындайды” деп есептейді. Олар үшін ең үлкен ілім сопылық. Ал сопылықты қолдамайтындардың бәрі әні-міні террорист болып кеткелі тұр, бәрі уаһабшы.
Осындай пікірлері арқылы Исматуллашылар ел арасында мешіт жайлы сұмпайы пікір қалыптастырады.
4) Әһли сүннет уәл жамаға ғалымдарын мойындамайды тіпті Пайғамбарымыздың сүннетін жандандырушы кейбір әлем таныған әйгілі ғалымдарды кәпір деп айыптайды.
5) Құран аяттарын ғұламалар тәпсірінсіз, өз беттерімен бұрмалап түсіндіреді. Әрі кейбір аяттарды ғана алып, көпшілік аяттарды тастап қояды. Мысалы, әйел адамдарға бүркеншік жамылуды парыз ететін «Нұр» сүресіндегі аяттарды мүлде мойындамайды. Хиджабты Арабтың ұлттық киімі санайды.
6) Арабтарды (әр түрлілігіне қарамастан), пәкістандықтарды жек көреді. Қазаққа қауіп осылардан деп санайды. Керісінше Лондонда, Москвада жарық көрген сол жақта тұратын шығыстық сопы-жазушылардың кітаптарын оқиды. Мысалы, Джавад Нурбахш, Идрис Шах т.б. Бұлардың кейбірі дінбұзарлығы үшін елдерінен қуылғандар болатын.
7) Исматуллашылар айтатын хадистердің көпшілігі өтірік, ойдан тоқылған дағиф хадистер. Тіпті, шииттердің дүниелерін де пайдалана береді. Ол риуаяттарда хазіреті Әли пайғамбар дәрежесіне дейін жетсе, халиф Омармен өзге сахабалар мазақ етіледі.
9) Ырымға сенеді. Олардың түсінігінде ырым – қазақтың ұлттық болмысы-мыс. Одан ажырамауымыз керек көрінеді.
Аруаққа сиынуды жөн деп санайды. Олардың пікірінше сиыну – құлшылық емес-мыс. Сондай-ақ, тұмар тағуды, көзмоншақ, үкі қауырсыны т.б дұрыс деп есептейді. Ал, бұл заттардың харам екенін білдіретін сахих хадистер саны мыңға жуық.
Осылардың өзі-ақ Исматуллашылардың ақида мәселесінде жаһил екендіктерін көрсетеді.
ай СубханАлЛАх мусылман бауырлар, вахаббист депжазыпсыздар, сиз алдымен вахаббист деген секта туралы онын аты туралы шамалы окысаныз болар еди, онын негизин салушы Мухаммад Вахаббии деген киси болган, оган ерген адамдарды вахаббист деп атау дурыс емес, себеби Аль-Вахабби деген Аллахтын коркем есимдеринин бири ягни Ол Сыйлаушы деген магынаны береди, Аллах журектериниздеги иманды кушейтсин